Appollis o tshepiša go abelana tšhelete le Mbokazi

Oswin Appollis o bontšhitše pelo e botse ka morago ga tlholo ya 1-0 ye e bego e le thata kudu kgahlanong le Siwelele FC.

Ka Mošupologo, ge a bolela gore o tlo abelana karolo ya tšhelete ya gagwe ya R100 000  le Mbekezeli Mbokazi.

Papadi ye e bego e lekantšwe kudu e be e bonagala e tla tšwela pele go fihla nako ya tlatšo kua lepatlelong la Orlando.

Mbokazi a kgahlanya kgwele ka matla go tšwa ka ntle ga lepokisi, gomme ya tsena ka ntle ga seatla sa Samukelo Xulu.

Go ile gwa tsenya lethabo le legolo gare ga batsenedi ba Pirates, gomme gwa netefatša gore sehlopha se fihle (quarter-finals).

Ka morago ga papadi, Appollis o ile a bolela le SuperSport TV moo a retago mošomi-mmogo wa gagwe Mbokazi.

“Papadi e be e le thata, eupša re be re tseba gore monyetla o tla tla, re dirile ka maatla le bokgoni” arealo Appollis.

Tlholo ye e dira gore Pirates e tsene dikgaolong tša boraro tša Carling Knockout, moo ba tlago go kopana le Magesi FC.

Gomme Appollis le Mbokazi ba tšweletša semelo sa bonnete sa maatla a sehlopha, le go bontšha maikemišetšo.