Balatedi ba kgothatša naletšana ya Banyana Banyana Seoposenwe

Straekara sa Banyana Banyana Jermaine Seoposenwe o tšweletša maikutlo a gagwe a gore o fetilwe ke monyetla wa go kora koulu e ngwe.

Sehlopha se se fetile ke monyetla wo bohlokwa papading ya go bula ya 2025 CAF Women’s Africa Cup of Nations (WAFCON) ka mošupologo.

Banyana Banyana e thopile sefoka ka 2-0 mola sehlopha sa nageng ya Ghana se fentšwe.

Le ge ele gore sehlopha sa Banyana se be se nale monyetla wa go kora koulu e ngwe gape, efela ba paletšwe ke go phethagatša seo.

Sehlopha sa Banyana Banyana se tla dira bokaone papading ya go latela, se segolo ke gore ba fentše.

Ka morago ga papadi, Seoposenwe o ile a dira poso go dikgokaganyo tša leago ya go tsebiša setšhaba gore o nyamile.

Gomme balatedi ba gagwe ba ile ba mo thekga ebile ba mmotša gore otla dira bokaone papading ya go latela.

Balatedi ba sehlopha sa Banyana Banyana ba dula ba thekga baraloki, gomme ba nale holofelo ya gore batla thopa sefoka sa bobedi sa WAFCON.