Basadien o ya go Sundowns – ntwa ya diphetho e a thoma

Mamelodi Sundowns e sa tšwa go saena sebapadi sa go tšwa Stellenbosch FC, Fawaaz Basadien, yo a bego a phadima kudu kua Stellies.

Basadien o be a bapala ka mehla gomme a bontšha bokgoni bjo bogolo mo papading ya kgwele ya maoto.

Sebapadi sa mathomo seo Basadien a tlago se lebeletšana le sona ke Divine Lunga, sebapadi sa go phadima mo kgweleng ya maoto.

Lunga o ile a phadima mo papading ya Club World Cup, moo a ilego a bapala dipapadi ka moka tše tharo, gomme a bewa mo sehlopheng sa beke.

Aubrey Modiba, yo a tsebjago e le “The Postman,” ke sebapadi se sengwe sa boitemogelo, o swere ngwaga wa bo 7 ale ka gare ga Sundowns.

Gomme go nale baraloki ba bantšhi bao ba ralokago gabotse ka mo sehlopheng sa Sundowns, ke bona ba maatlafatšago sehlopha.

Go tsena ga Fawaaz Basadien mo sehlopheng sa Mamelodi Sundowns go bontšha maikemišetšo a sehlopha sa go dula e le ba pele mo Afrika Borwa.

Sundowns ga se sehlopha sa go iketla, ebile ba dula ba nyaka bokgoni bjo bofsa le tlhabollo.

Basadien ga se fela sebapadi sa go tlala lefelo, efela ke sebapadi seo se tlišetšago Sundowns phetogo le monyetla.