Broos o tshwenyegile ka diphetogo tša baraloki ba Pirates

Mohlahli wa Bafana Bafana “Hugo Broos” o tšweleditše matshwenyego mabapi le diphetogo tše di tšwelago pele tša bapapadi tša Orlando Pirates.

Broos o re o kwešiša lebaka leo ka gore Ouaddou a swanetše go fapanyetša sehlopha sa gagwe papading e nngwe le e nngwe.

Gore a boloke bohle, eupša o lemošitše gore go se be le nako e lekanego ya go bapala bakeng sa bangwe ba bapapadi.

“Ga se selo se bonolo go khotsofatša bohle, ka gona o swanetše go fetola sehlopha beke le beke go boloka bohle ba khutsitse,” gwa realo Broos.

Mohlahli o okeditše ka gore seemo seo se a mo nyamiša ka gobane o nyaka bapapadi ba setšhaba ba dule ba nale mafolofolo.

Broos o ile a bolela ka ga dikakanyo tša batho tša mekgwa ya setšhaba mabapi le dikgetho tša gagwe tša sehlopha, a re ga a šetše dilo tše bjalo.

“Ga ke latele mekgwa ya setšhaba, ge nkabe ke bala dilo tšeo, ke be ke tla sega” arealo mohlahli Broos.

O tlaleletditše ka gore: “Batho ba nagana gore ba bohlokwa gomme ba ka bolela selo se sengwe le se sengwe moo, seo ke bošilo fela.