Durban City e kgauswi le go saena Luphumlo Sifumba

Sebapadi sa kgwele ya maoto “Luphumlo Sifumba” o letetšwe go ikopanya le sehlopha sa Durban City bekeng ye.

Go kwagala gore Sifumba o tla saena konteraka ya mengwaga ye meraro le sehlopha sa KwaZulu-Natal “Durban City “.

Sebapadi se šetše se le KZN go tla go saena le Durban City, gomme otlo thoma papadi ya gagwe ya mathomo ese kgale.

Durban City, yeo e boetšego go bapala ka PSL morago ga go theoga nakong yeo e bego e sa bitšwa Maritzburg United.

Mo lenaneong leo go na le bagwera ba kgale ba Sifumba bao e lego Darren Keet le Haashim Domingo, gammogo le Liam De Kock.

Sifumba o belegwe Philippi gomme o be a atlega kudu bjalo ka sebapadi sa bokamoso sa naga ya Afrika Borwa.

Ga bjale, sehlopha sa Gavin Hunt se dula maemong a botshelela (6) mo tafoleng, ka go fenya gabedi go tšwa dipapading tše hlano.

Ba letetše go amogela sehlopha sa Siwelele FC ka Laboraro bošego ka iri ya (19:30) kua lepatlelong la Chatsworth.