Kaizer Chiefs e lahlegetšwe gape, efela go na le diphetogo tše di botse

Sehlopha sa Netherlands se fentše Kaizer Chiefs 1-0 mo papading ya bona ya bobedi ka mokibelo.

Le ge ele gore sephetho sa mafelelo sebe se sa thabiše, eupša go bonagetše diphetogo tše di botse, kudu mo karolo ya bobedi ya papadi.

Kgwele ye tee ya papadi e tlišitšwe ke phošo ya sebapadi sa bogareng, Thabo Cele.

O lekile go fetiša kgwele kgole gore a phološe sehlopha sa Chiefs efela NEC e tšere kgwele ka pela.

Karolo ya bobedi ya papadi e bontšhitše ka mo go hlakilego gore sehlopha se se kaonafetše kudu.

Mohlahli wa sehlopha, Nasreddine Nabi, o bonagala a na le leano le le hlakilego la go fetola tsela yeo sehlopha se bapallang ka yona.

O nyaka gore Chiefs e be sehlopha sa go swara kgwele, sa go aga papadi ka bohlale, le sa go hlasela ka maikemišetšo.

Ka morago ga papadi ye, baraloki ba Chiefs ba tla lebelela le dipapadi tše pedi tše di šetšego mo leetong la Netherlands pele ba boela gae.

Ge ba tšwela pele ka go šoma ka thata le go latela seo mohlahli a ba rutago sona, Chiefs e ka ba sehlopha sa goba le maatla mo sehleng se se tlago.