Kimvuidi wa Pirates o tsenela sehlopha sa nageng ya Israel 

Sehlopha sa Israeli Premier League, FC Ashdod, se netefaleditše go amogela moraloki wa Orlando Pirates, Karim Kimvuidi semmušo.

Kimvuidi o ile a tšea karolo ya go makatša go Isiraele ka mafelelong a beke, a bapala papadi ya Toto Cup Ligat ka mošupulogo.

Sehlopha sa FC Ashdod se ile sa hlaloša gore Kimvuidi o tsene sehlopheng ka kgwebo ya kiraye.

Ka morago ga go bona bokgoni bja gagwe papading ya mafelelo, Karim Kimvuid wa go tšwa Congo o ile a saenwa le sehlopha.

Kimvuidi o ile a tsena sehlopheng sa Orlando Pirates ka July 2023 a tloga sehlopheng sa Maritzburg United.

Le gona, o ile a bona gore ga a sa nyakege kudu kamora gore mokoetšhi wa Morocco, Abdeslam Ouaddou, a tloša Jose Riveiro.

Gomme seo se ile sa bula monyetla wa gore a kgone go tšeya karolo go papadi ya Israeli Premier League.

Phetogo ya Kimvuidi go Ashdod e mo fa monyetla wo moswa go bontšha bokgoni bja gagwe ka ntle ga Afrika Borwa.