Marumo FC e tliša mohlahli yo mofsa kudu historing

Marumo Gallants e dirile phetogo ya histori ka go kgetha mohlahli wa mengwaga ye 28, Alexandre Lafitte.

Gomme etloba mohlahli wa bona yo mofsa pele ga sehla sa Betway Premiership sa 2025/26.

Lafitte ke mohlahli wa mengwaga ye mennyane kudu historing eupša o re ga a tšhoge go ruta bapadi ba bagolo go yena.

“Ga se bothata go ruta bapadi ba bagolo. Ke šetše ke dirile seo,” a realo mohlahli yo mofsa wa sehlopha sa Marumo FC.

Ka January 2023, Lafitte o ile a dira ditaba lefaseng ka bophara ge a be a bewa bjalo ka mohlahli wa Stade d’Abidjan kua Ivory Coast a na le mengwaga ye 25.

Le ge ba bangwe ba na le dipelaelo ka mengwaga ya gagwe le phihlelo ya gagwe ya PSL, Lafitte o re o itokišitše.

Maikemišetšo a Lafitte ke go tliša diphetogo, go aga sehlopha se tiilego, le go fihlelela katlego mo PSL.

Bathekgi le balatedi ba sehlopha ba letetše go bona seo a tlogo se tliša tafoleng.