McCarthy o sa dumela go menyetla ya Chiefs 

Mošireletši wa Kaizer Chiefs, Aden McCarthy, o re sehlopha se sa nale menyetla ya go fenya CAF Confederation Cup.

Chiefs e hweditše phenyo ya yona ya mathomo sehlopheng ka Lamorena, morago ga go fenya ZESCO United ka 1-0.

Phenyo yeo e ba phagamišitše go tšwa mafelelong a tafola go ya boemong bja boraro, morago ga go bapala dipapadi tše tharo.

Ga bjale Amakhosi ba nale phenyo e tee, papadi e tee ya go lekana le go hlolwa gatee.

Ke dihlopha tše pedi tša godimo fela tšeo di tla fetelago pele go ya mokgweng wa go phuma.

Sehlopha se sa tlo bapala ZESCO United gape mo lepatlelong la Moses Mabhida ka Lamorena, se latelwe ke papadi ya kgahlanong le Al Masry.

“Ge re lebelela tafola ya sehlopha le dintlha tša rena, re sa na le menyetla ya go feta pele,” McCarthy o boletše.

Pele ga dipapadi tša CAF, Chiefs e tla lebana le Marumo Gallants papading ya Betway Premiership.

Mo lepatlelong la Dr Petrus Molemela Stadium ka Laboraro ka iri ya bošupa le seripa (19:30).