Middendorp o gatelela molaetša wo bohlokwa

Go bonagala e le nnete gore mathata a gare ga Ernst Middendorp le Gavin Hunt ga se a fela gabonolo.

Le ge ele gore modulasetulo wa Durban City “Farook Kadodia” a lekile go bontšha setšhaba gore go be go se na bothata.

Go ya ka Kadodia, Middendorp o tlogetše setšhaba ka baka la gore konteraka ya gagwe e be e fedile.

Le ge go le bjalo, dipolelo tša gagwe di bonagala di ganetšwa ke seo Middendorp a se phatlaladitšego go LinkedIn.

O beile molaetša wo o bolelago ka go lebanya ka mathata a a amago bahlahli ba papadi ba ba ganang go fetoga.

“Mo dipapading tša lehono, theknolotši e šetše e le karolo ya motheo, letšatši ka tšatši re bona diphetogo” arealo.

Middendorp o tšhitše maikutlo a gagwe, gomme o bontšhitše setšhaba gore papadi e fetilego e le ruri.

O ile a oketša ka gore go gana go šoma mmogo le ba bangwe go senya papadi ya sehlopha se.

Le ge Middendorp a sa bolela leina gore o bolela ka mang, batho ba bantši ba naganela Gavin Hunt.