Mngqithi o reta KZN ka talente ya mo gae

Mohlahli wa Golden Arrows “Manqoba Mngqithi” o reta dihlopha tša KwaZulu-Natal ka lebaka la go bontšha tumelo go baraloki ba selegae.

O re ba fetotše tsela ya go dula ba amogela babapadi ba bagolo bao ba lahlilwego ke dihlopha tša Gauteng.

Mengwaga ye mentši, dihlopha tša KZN di be di tsebja bjalo ka mafelo ao babapadi ba bagolo bao ba lahlilwego ke dihlopha tša Johannesburg le Tshwane.

Eupša bjale dilo di a fetoga, go ya ka Mngqithi dihlopha tša mo porofenseng di šetše di tsetela go bapadi ba bannyane.

Bao ba nago le tlhohleletšo le maitekelo a magolo go tšwa mo lefelong, gomme ditlamorago di a bonagala.

“Dihlopha tša rena di dira gabotse ka gobane di diriša bapadi ba bannyane bao ba nago le maatla,” a realo Mngqithi.

O bile a bontšha maswabi ka lebaka la gore mengwaga e mentši ba kgetha ba Bafana Bafana ba be ba sa dumele ba KZN.

Mngqithi o dumela gore seo se tlo fetoga ka ge porofense e šetše e godiša talente e nthši ya nnete.