Mohlahli Cardoso o ka gare ga kgatelelo

Go bonagala gore Mamelodi Sundowns e ka ba le phetoho yeo balatedi ba e letetšego, gomme e ka direga ka pela.

Mohlahli wa sehlopha, Miguel Cardoso, o šetše a gateletšwe ke maikutlo a balatedi le bapapadi ka gare ga sehlopha.

Se se dirile gore basepediši ba Sundowns ba thome go rulaganya gore ba hwetše mohlahli yo a ka tšeyago setulo se.

Molaetša wa bohlokwa ore: “Sundowns ba a itokolla go tliša mohlahli Rudolfo Zapata go Afrika Borwa”.

Le ge go le bjalo, ba lwantšha le Al Ahly, bao le bona ba nyakago Zapata go tlo tšeela mohlahli Jose Riveiro sekgoba.

Rodolfo Zapata ke mohlahli wa Argentina yo a tlwaelegilego mo nageng ya Afrika Borwa.

O ile a hlahla sehlopha sa Mpumalanga Black Aces ka PSL go tloga ka ngwaga wa 2011 go fihla ka 2012.

Gomme a sepela aya nageng ya Botswana go yo hlahla sehlopha sa Township Rollers le Gaborone United.

Sundowns e šetše e lebane le dipapadi tše pedi elego “MTN8 le Carling Knockout”; tšeo di oketšeditšego kgatelelo go Cardoso.

Go bonagala gore batsamaisi ba Sundowns ba itokeditše go dira phetogo ya go nyaka mohlahli wo moswa.