Mohlahli wa Egypt o thekga dipolelo tša Broos

Mohlahli wa Naga ya Egypt “Hossam Hassan” o dumelane le dipolelo tša mohlahli wa Bafana Bafana, Hugo Broos.

Ka mabapi le bohlokwa bja gore bapadi ba naga ba ye go bapala Yuropa gore ba godiše maemo a bona.

Hassan o boletše gore sehlopha sa Egypt se nale bapadi ba sego ba bantši bao ba bapalang Yuropa.

Ka ge go nale ba bararo (3) fela sehlopheng sa bjale; mokapteine Mohamed Salah, Omar Marmoush le sebapadi sa pele Mostafa Hassan.

A bolela le boraditaba Casablanca, Hassan o gateletše gore go bapala Yuropa go thuša kudu go godiša bokgoni bja sebapadi.

“Sebapadi se sengwe le se sengwe seo se bapalang Yuropa se gola ka maatla a mmele le ka go kwešiša papadi ka botlalo,” go boletše Hassan.

“Sehlopha sa rena se na le palo e nnyane kudu ya bapadi bao ba bapalang dinageng tša ka ntle.

Le ge Egypt e nale bapadi ba bararo fela Yuropa, Hassan o boletše gore ba kgonne go fihla sekgahlong sa disemi-final.

“Ka bapadi ba bararo fela bao ba bapalang Yuropa, re kgonne go fihla disemi-final,” a realo.