Motaung o hlalositše seemo sa Baartman go Chiefs

Molaodi wa dipapadi wa Kaizer Chiefs “Kaizer Motaung Jr”o hlalositše seemo sa sebapadi “Luke Baartman” mo sehlopheng.

Gomme molaodi o tšere sephetho ka morago ga boemo bja bokamoso bja ga Bartman.

Baartman o tsene go Chiefs mmogo le Asanele Velebayi bjalo ka sebapadi sa mahala ka morago ga go fologelwa ga Cape Town Spurs.

Le ge Velebayi a šetše a bonagatša bokgoni bja gagwe sehlopheng se segolo, Baartman yena ga se a tšea sebaka sa gagwe sa pele.

Se se dirile gore go be le dipolelo tša gore barutiši ba sehlopha ba eletše gore a romelwe sehlopheng sa DDC.

Motaung o gatelela gore Baartman o dula e le karolo ya sehlopha se segolo gomme o tlile go lwela sebaka sa gagwe.

“Luke ke sebapadi sa bokgoni bjo bogolo, ke nagana gore bohle ba tseba gore re tšwa kae,” ga realo Motaung Jr.

Motaung Jr. o gateletše gape gore sehlopha se na le merero ye megolo bakeng sa sebapadi se senyenyane.

Baartman o šetše a emetše Afrika Borwa mo Papading ya Lefase ya Baešemane ba ka tlase ga mengwaga ye 20 (U20 World Cup).

Motaung Jr. o feditše ka go tiišetša gore Baartman o tla dula mo sehlopheng se segolo.