Ngcobo o nale kholofelo ya gore Chiefs etlo fenya Sundowns 

Nkosingiphile Ngcobo, o bontšhitše kholofelo ya gore Amakhosi ba ka šomiša dithuto tšeo ba ithutilego tšona go fenya Mamelodi Sundowns.

Ka ge ba itokišeletša papadi ye bohlokwa ya Betway Premiership ye e tlago bapalwa ka Laboraro kua lepatlelong la FNB.

Peleng Chiefs e ile ya bušetšwa morago ya fenwa ka 1-0 gomme ba fenya Sundowns ka 2-1 mo disemifaineleng tša Nedbank Cup.

Katlego yeo e dirile gore ba be le sereto sa bona sa mathomo sa semmušo sa Premier Soccer League ka morago ga mengwaga e 10.

Nakong e fetilego, Chiefs e ile ya fenywa gabedi ke Sundowns mo dipapading tša league gomme ba fenywa le ka Carling Black Label Knockout.

Ngcobo, yo a nago le mengwaga ye 25, o bile le nako ye boima sehleng se fetilego ka lebaka la go bapala dipapadi tše 15 feela.

Eupša sehla se seswa o thomile ka maatla, a bapala dipapadi ka moka tše tharo gomme a tsenya le (free kick) kgahlanong le Stellenbosch.

Amakhosi e tla matlafatšwa gape ge go bowa mohlahli wa bona “Nasreddine Nabi”, yo a bego a sa dule setulong mathomong a sehla.