Nkosinathi Sibisi o kgethilwe bjalo ka mokapoteine wa Orlando Pirates

Sehlopha sa Orlando Pirates se hlalositše gore Nkosinathi Sibisi, ke yena mokapoteine yo moswa wa sehlopha.

O tlilo tšea sekgoba sa Innocent Maela, yo e bego e le mokapoteine go tloga ka ngwaga wa 2022.

Pirates e boletše gore bathekgi ba  sehlopha ke bona ba kgethilego mokapoteine  ka  sephiring, gomme Sibisi ke yena a hwetšego diphetho tše ntši kudu.

Sibisi o šomile ka thata gomme o thušitše sehlopha sa Buccaneers go thopa difoka tše hlano tša dipapadi.

Ka lebaka la mošomo wa gagwe o mobotse, o ile a kgethwa bjalo ka Mosireletši wa Ngwaga wa 2024/25 Betway Premiership.

“Ke tšea boikarabelo bjo ka letsogo le le bulegilego, gomme ke tla leka go dira mošomo wa ka ka tsela e kaone kudu.” arealo Sibisi.

Tapelo Xoki le Mbekezeli Mbokazi, yo a nago le mengwaga ye 20, ba kgethilwe bjalo ka baetapele ba bobedi (vice-captains).

Boetapele bjo bofsa bja Pirates bo bonagala bo tlile le maatla a mafsa, le tshepho ya gore sehlopha se tla dira bokaone.

Go kgethwa ga Sibisi bjalo ka kapitene, Orlando Pirates e bontšhitše tshepho le holofelo, ebile sehlopha se bona bokamoso bjo bo kgahlišago.