Mohlahli Ouaddou o fa Mbokazi maele a go thabiša

Moraloki wa sehlopha sa Orlando Pirates, Mbekezeli “TLB” Mbokazi, o phela bophelo bja toro tša gagwe ka se sebaka.

Leina la gagwe le šetše le le lenaneong la CAF Young Player of the Year ka morago ga ngwaga o mobotse kudu mo papading.

Mbokazi o thomile go bapala ka tlase ga mohlahli wa pele José Riveiro, o ile a bontšha bokgoni bja gagwe a ba mokapoteine.

O thušitše sehlopha go fihla di-semi-final tša CAF Champions League le final ya Nedbank Cup.

Bokgoni bja gagwe bo fihlile go Bafana Bafana, moo mohlahli Hugo Broos a mo biditšego lekgetlo la mathomo gore a emele naga.

Mohlahli wa Pirates, Abdeslam Ouaddou, o mo rorisitše kudu gomme a re tlotlo ye ke “mpho e kgolo”.

“O emela Pirates ka boikgantšo ebile ke mo eletša selo se tee,  a dumele, a šome kudu, gomme a hlomphe papadi” arealo Ouaddou.

Ka tlotlo ya CAF, go rorišwa ke setšhaba, le lerato la bathekgi, letšatši la Mbokazi le tšwela pele go phadima.