Ouaddou o netefatša gore Maswanganyi o loketše go bapala MTN8

Orlando Pirates e hweditše ditaba tše di botse pele ga Final ya MTN8 yeo ba tlago lebagana le yona le Stellenbosch FC.

Mohlahli Abdeslam Ouaddou a netefaditše gore sebapadi sa gagwe “Patrick Tito Maswanganyi”, se loketše go bapala papadi ye.

Maswanganyi, wa karolo ya sehlopha sa Bafana Bafana seo se bego se kgethilwe go bapala le Lesotho le Nigeria.

Eupša o ile a ntšhwa ka baka la go gobala, gomme seo sa tshwenya kudu balatedi ba ga “The Ghost”.

Le ge go le bjalo, go fola ga gagwe ka pela go file sehlopha maatla, boikemišetšo le maitemogelo gape.

Pirates e nyaka go fenya sehlogo sa bone (4) sa rekoto sa MTN8, ge e tlo thulana le Stellenbosch lepatlelong la Mbombela.

Le ge bapadi ba bangwe ba bohlokwa, go swana le Relebohile Mofokeng le Mbekezeli Mbokazi, Maswanganyi otla tliša phetogo.

Papadi ye e letetšwe ke balatedi ba bantšhi; ebile e šetše e rekilwe ka moka, gomme e tla thoma ka iri ya 18:00 ka Mokibelo.