Papadi ya Sundowns le Marumo Gallants 1-1

Mamelodi Sundowns ba ile ba tlogelwa ba nyamile ka Laboraro bošego ge ba be ba swarwa ke Marumo Gallants ka 1-1.

Sundowns e paletšwe ke monyetla wa go namela godimo ga tafola ya lenaneo la Betway Premiership.

Sundowns ba ile ba bula diatla ka motsotso wa bo-28, moo Iqraam Rayners a thuntšitšego kgwele ya ba 1-0.

Eupša thabo ya bona ga se ya tšea sebaka se setelele, ka morago ga metsotso e lesomo (10), Marumo Gallants ba latela.

Sethunya sa Ndlondlo se ile sa phunyeletša matsogo a Ronwen Williams, sa dira gore maemo a lekane 1-1.

Ka motsotso wa bo-42, Sundowns ba bile le monyetla gape ge Teboho Mokoena a hweditše phošo ka ntle ga lepokisi.

O ile a ema ka pele a tšea kgwele ya mahala, eupša mokgokgotsi Washington Arubi o ile a mo thibela gabonolo.

Sundowns ba ile ba dira maitekelo a mantši eupša Arubi o ile a dula a tiile, a boloka mafolofolo a sehlopha sa Gallants.

Miguel Cardoso, o ile a tsenya Tashreeq Matthews le Lebo Mothiba a holofela gore ba tla thuša sehlopha.

Le fa go le bjalo, Masandawana ba ile ba palelwa ke go phunyeletša ka pele le go atlega mo papading.