Pirates e kgonne go reka moraloki wa Polokwane City ka R12 milione
Oswin Appollis o fetogile sebapadi sa Orlando Pirates ka morago ga go tloga Polokwane City.
Gomme theko ya gagwe e bile tlase kudu go feta tšeo di bego di begwa pele.
Appollis o be a šetše a bontšhitše kganyogo ya go tloga Polokwane City ngwaga o fetilego, efela ga bjale ke moraloki wa sehlopha sa Pirates.
O šetše a le Spain le sehlopha sa Pirates, moo a tla nago le karolo ya bohlokwa nakong ya pre-season ya bona.
Theko ya gagwe e be e beilwe go R20 milione, Pirates e mo hweditše ka R12 milione.
Kaizer Chiefs e kile ya ba le monyetla wa go mo saena ka R1.5 milione ge a tloga Pretoria Callies, eupša seo asa phethagatšwa.
Go bile le dipego tša kgopelo ya go mo fetetša Algeria go MC Alger, moo go boletšwego ka tšhelete ya go lekana R15 milione, efela thekgo ye le yona e ile ya se direge.
Bjale Appollis o na le sebaka sa go thoma leeto le lefsa le Pirates, moo a tlo leka go bontšha bokgoni bja gagwe.
Orlando Pirates se bonagala se le mo tseleng ya go matlafatša setlhopha pele ga nako ye mpsha ya 2025/26.
