Pirates e nyaka sebapadi sa go tšwas Richards bay

Orlando Pirates e bonagala e sa feditše ka go hwetša bapapadi go tšwa klabeng ya Richards Bay FC.

Lesedi le kgauswi le sehlopha sa Soweto le utollotše gore Pirates e ikemišeditše go bušetša leihlo go sebapadi se sengwe sa bafsa ba Natal Rich Boyz.

Pele ga ngwaga wa dipapadi wa bjale o thoma, Pirates e ile ya reka Nkosikhona Ndaba le Yanela Mbuthuma go tšwa Richards Bay.

Gomme bobedi bja bona ba šetše ba bontšhitše bokgoni bjo bogolo mo sehlopheng se.

Mbuthuma o hlabile dikoulu tše hlano (5) ka dipapadi tše senyane (9), gomme bjale o tloga a tumme ka boitapološo bja gagwe.

Ndaba yena o šetše a thoma go tsenya kganyogo ya gagwe boemong bja Deon Hotto kua ka morago.

O ile a ba a gola ka go otla kgoloko kgahlanong le Golden Arrows le go fiwa sefoka sa Man of the Match.

“Re be re lebeletše bapapadi ba bararo, empa ra feleletša re tšeya ba babedi feela ka gobane yo mongwe o ile a gobala”.

Sebapadi seo se bolelwago ke Thulani Gumede, yo a bapallago ka lehlakoreng le let golo.

Go bolelwa gore Pirates e ka lahlegelelwa Ke bapapadi ba bona ba maphego ngwageng wo o tlago.