Real Madrid e netefatša phetogo ka morago ga mohlahli Alonso

Sehlopha sa Real Madrid se netefaditše gore se arogane le molaodi wa sona Xabi Alonso ka morago ga go fenywa ke FC Barcelona.

Gomme palomoka ya papadi e bile 2-1 papading ya mafelelo ya Spanish Super Cup ka Lamorena bošego.

Go fenywa moo go dirile gore Los Blancos e palelwe ke go hwetša sefoka sa mathomo sa sehla.

Ka tsebišo ya semmušo, Real Madrid e boletše gore sephetho sa go fediša konteraka ya Alonso se tšerwe ka tumellano.

“Real Madrid CF e tsebiša gore, ka tumellano magareng ga sehlopha le Xabi Alonso, go tšerwe sephetho sa go fediša mošomo wa gagwe.

Sehlopha se lebogile Alonso, se mo hlaloša bjalo ka tšhomišano ye botse ya sehlopha sa Real Madrid.

“Xabi Alonso o tla dula a ratwa le go hlomphwa ke balatedi bohle ba Real Madrid” gwa realo tsebišo.

Los Blancos gape e netefaditše gore Álvaro Arbeloa o tla tšea legato la Alonso bjalo ka mohlahli yo mofsa wa sehlopha.

O tlo thoma mošomo ka ponyo ya leihlo ge sehlopha se ikemišetša go tswela pele le sehla se seswa.