Sundowns e fentše Richards Bay ka 4-0 go tsena difinaleng tša MTN8

Mamelodi Sundowns e thomile lebaka la yona la MTN8 ka phenyo ye kgolo ya 4-0 kgahlanong le Richards Bay FC mo lebaleng la Lucas Moripe.

Sehlopha sa Sundowns se thomile papadi ka baraloki ba matla bjalo ka Themba Zwane, Aubrey Modiba, Iqraam Rayners le Arthur Sales.

Sundowns gase e tšeye nako, Ka motsotso wa bo-10, Iqraam Rayners o ile a phethagatša seo ka ponyo ya leihlo.

Ka morago ga phomolo, Rayners o ile a boela a tsena koulu ya boraro ya sehlopha, gwa latela Siyabonga Mabena ka koulu ya mafelelo.

Sundowns e be e na le 76% ya go buša kgwele (possession), gomme seo se bontšha ka mo ba bušitšego papadi ka gona.

Mohlahli wa bona, Miguel Cardoso, o boletše gore o thabetše tsela ye sehlopha sa gagwe se dirilego ka yona.

“Re thomile papadi ka maatla, ra tsenya kgolo gomme seo se re thušitše go buša papadi” arealo mohlahli Cardoso.

Ka phenyo ye, Sundowns e šetše e le gare ga difinala tša MTN8, gomme papadi ye e bontšhitše maitemogelo.

Mamelodi Sundowns e tlogela molaetša o tiilego gore e ikemišeditše go laola sepakapaka sa PSL sehla se.