Vilakazi o hlaloša lebaka leo Broos a kgethilego Nemtajela

Moraloki wa pele Benedict “Tso” Vilakazi, o hlalositše lebaka leo mokoetši Hugo Broos a kgethilego Masindi Nemtajela.

Nemtajela Ke wa Orlando Pirates eupša sebapadi Kaizer Chiefs, Mduduzi “Mdu or Die” Shabalala o mo phaetše ka theko.

Sebapadi Nemtajela ga se a gola goba go fa mothuši papading tše 10 tšeo a šetšego a bapetše sehleng se.

Ka lehlakoreng le lengwe, Shabalala o šetše a file Kaizer Chiefs dikgwele tše tharo le mothuši o tee papading tše 10.

“Sehlopha seo Broos a se kgethilego bakeng sa papadi ya Zambia, go na le babapadi ba bantši ba go tlhasela” arealo Vilakazi.

O tšwetše pele ka go hlaloša gore dikgetho tša mohlahli di ipiletša godimo ga tekatekano ya papadi.

“Ka dinako tše dingwe mohlahli o kgetha go bapala ka sebapadi se tee sa tšhireletšo le babedi ba go ya pele” arealo Vilakazi.

O Ile a tlaleletša ka gore mohlahli Broos o hloka sebapadi se se kgonago go fenya kgwele le go e sepediša pele.

Vilakazi o okeditše ka gore: “Nemtajela, Mbatha le Teboho Mokoena ke babapadi bao ba ka dirago bjalo.

Tabakgolo Ke gore Vilakazi o re Broos o šetše bokgoni bja Nemtajela go feta bja Shabalala morago.