Nkoana o beya leihlo Dipapadi tša Lefase le Dipapadi tša Baithuti
Bradley Nkoana o ikemišeditše go swanelegela Dipapadi tša gagwe tša mathomo tša Lefase tša Diatleletiki le Dipapadi tša Lefase tša Baithuti.
Mofenyi wa sefoka sa silifera sa Diolimpiki le mofenyi wa boronse wa U20 100m ga se a fetša lenaneo la gagwe la mabelo. Le ge go le bjalo, o abelane ka maano a gagwe.
O holofela go thoma ka Dipapadi tša Baithuti kua Jeremane ka Phupu.
Nkoana o arabile a re “Nna le mohlahli wa ka re sa rulaganya. Eupša ge ke bula sehla sa ka, ke tla ba ke itokišitše, ke le bogale, ebile ke phetše gabotse.”
Nkoana o retile mohlahli wa gagwe, Paul Gorries, ka tema yeo a e kgathilego tšwelopeleng ya gagwe.
“Go itlwaetša le Mohlahli Paul go a thabiša, re a kwešišana” a reta a realo
“Ka mehla o nkgopotša gore ke dule ke ikokobeditše. Ke ye nngwe ya dilo tše kaone tšeo di diregilego mošomong wa ka,” a realo Nkoana.
O holofela go tšwela pele go šoma le Gorries nakong ye e tlago.
