Sehlopha sa CT City se saena sebapadi se sengwe “Bwalya”

Sehlopha sa Motsepe Foundation Championship se šetše se tiišeditše gore se saenile sebapadi sa go hlasela (DRC) “Walter Bwalya”.

Walter Bwalya ke sebapadi sa maitemogelo sa go rakela sehlopha sa Al Ahly SC peleng.

Go ya ka tshedimosetso yeo e fihlilego go iDiski Times, Bwalya o tlile mo South Africa ka go tla mahala (free transfer).

Sebapadi se se ile sa bulega medumo ka fao se ka tsenago mo Afrika Borwa ka 2023, ge Kaizer Chiefs ba be ba na le kganyogo ya go mo saena.

Bjale, Bwalya o šetše a le go Cape Town, gomme go letetšwe gore o tla tsebišwa semmušo bjalo ka sebapadi sa City ka Labohlano.

Bwalya ke sebapadi sa go hlasela seo se kilego sa fenya mo CAF Champions League le Al Ahly SC nakong ya 2020/21.

Go lebeletšwe gore maatla le boitemogelo bja gagwe di tliše phapano mo sehlopheng sa City, o ikemišeditše mo papading.