Maswanganyi o thušitše Moremi go itlwaetša Pirates

Moraloki wa Orlando Pirates “Tshepang Moremi ” o boletše ka tsela ye elego gore mogwera wa gagwe a mo thušitšeng gona.

Moremi o hlalositše gore motho a dirilego gore bophelo bja gagwe bo be bonolo mo sehlopheng ke Patrick Maswanganyi.

Tshepang yo a nago le mengwaga e 25, o tlile Pirates go tloga AmaZulu ka ngwaga wa 2025/26 Betway Premiership.

“O mpoditše gore motho yo mongwe le yo mongwe o na le tsela ya gagwe bophelong, gomme ke se ke fele pelo” arealo Moremi.

Maswanganyi o bapetše karolo ye bohlokwa mo bophelo bja Moremi, ka ge a be a mo hlala le go mofa maele.

Ka morago ga kgothatso ya Maswanganyi, Moremi o ile a thoma go bapala gabotse mo sehlopheng.

Nako ya gagwe ye kgahlišago e be e le MTN8 final kgahlanong le Stellenbosch FC, fa a ilego a thuntšha tše pedi.

Ka maatla, boitshepo le bokgoni, Moremi o ile a ba sebapadi sa go ratega kudu mo sehlopheng sa Orlando Pirates.