Mayo o bolela ka phošo yeo e diragetšego ka sehlopheng
Sebapadi sa pele sa Kaizer Chiefs, Khanyisa Mayo, o boletše ka phošo ye e diragetšego papading kgahlanong le sehlopha sa AmaZulu FC.
Papadi yeo e feditše ka 1-1, mola sehlopha sa Kaizer Chiefs se be e nyaka phenyo ka maatla le maikemišetšo.
Pule Mmodi o ilego a thuntšha kgwele ye e bego e šetše e tsene mothalong eupša Mayo o ile a e thibela.
Tiragalo ye e dirile gore batho ba bantši ba bolele, ba bangwe ba re Mayo o lekile go utswa seriti.
Ge a bolela pele ga papadi ya Chiefs le Siwelele FC (Bloemfontein Celtic) mo Betway Premiership, o amogetše phošo ya gagwe.
“Nakong ya phomolo ya mathomo re boletše ka yona, gomme ka kgopelela tshwarelo” arealo moraloki Mayo.
O boletše gape le gore: “Re boletše ka yona ra tšwela pele, le morago ga papadi ke ile ka mmitša gape, gomme a re ke se tshwenyege”.
Sehlopha sa Kaizer Chiefs se tla bapala le Siwelele mo lepatlelong la FNB ka iri ya 7:30 mantšiboa ka Laboraro.
