Sundowns e thuntšitše 4-1 kgahlanong le Richards Bay

Mamelodi Sundowns e bušitše godimo ga Betway Premiership ka Mokibelo bošego ka morago ga go fenya sehlopha sa Richards Bay FC 4-1.

Sundowns e satlo fenya ke sehlopha sa Golden Arrows beke ye e fetilego, eupša e ile ya irothotha lerole ya tsoga fase.

Ba dirile diphetošo tše nne ka go bušetša Mosa Lebusa, Bathusi Aubaas, Nuno Santos le Iqraam Rayners mo papading.

Richards Bay e be e le kgauswi le go makatša ba legae mo metsotswaneng ya mathomo ge Moses Mthembu a bontšha matšato.

Eupša Sundowns e bušitše taolo kapejana, gomme Tashreeq Matthews a thuntšha kgwele ya mathomo.

Malibongwe Khoza o okeditše kgolo ya diphetho ka morago ga kgwele ya ga moraloki-mmogo le yena Matthews.

Baeng ba ile ba buša ka gare ga metsotso e 30, ge Gabadinho Mhango a utswitše kgwele go Khoza ke moka gea ba 2-1.

Rayners wa sehlopha sa Mamelodi Sundowns o ile a tsenya kgwele ya boraro (3) bonolo ka morago ga boikhutšo.

Ka karolo ya bobedi, Sundowns e ile ya laola papadi ka botlalo, Matthews o ile a kgwele ye ngwe ya mafelelo 4-1.

Ka phenyo ye kgolo, Masandawana ba bušetše godimo ga ditlhopha, ba tiišetša boemo bja bona bokgoni ke maatla.