Sehlopha sa Bafana Bafana se kopana le Rwanda

Moetapele wa Bafana Bafana, Hugo Broos, o phatlaladitše maina a dibapadi tšeo ditlo bapalago papadi ya lefase (World Cup.)

Gomme papadi etlo kgatlampana lepatlelong la Mbombela lehono ka iri ya boselela mantšiboa (18:00PM.)

Afrika Borwa e dula lefelong la bobedi ka sehlopheng sa Group C, ka dintlha tše pedi morago ga Benin.

Bafana ba swanetše go fenya gomme ba holofela gore Nigeria e fenye sehlopha sa Benni gore ba hwetše dintlha.

Broos o kgethile sehlopha se hlaselago kudu, ka morago ga gore ba palelwa ke go thuntšha kgahlanong le Zimbabwe ka Labohlano.

Baraloki ke: Williams (c); Mudau, Sibisi, Ndamana, Modiba; Mokoena, Mbatha, Mbule; Morena, Apollis le Makgopa.

Ba polokego: Chaine, Goss, Shabalala, Aubaas, Cupido, Sithole, Matuludi, Nkota, Moremi, Khoza, Kabini le Moloisane.

Papadi e tla thoma ka 18:00 kua lepatlelong la Mbombela, ke go fenya goba go boela gae bakeng sa Bafana Bafana.