Chiefs e lebane le dinyakwa tša histori le R7 milione
Sehlopha sa Kaizer Chiefs se kgorong ya go ngwala leina la sona mo historing ya kgwele ya maoto ya Afrika gape.
Go tlo ba la mathomo gore Amakhosi ba fihle sehlopheng sa CAF Confederation Cup, gomme tšohle di ithekgile ka papadi ya Lamorena.
Ge ba ka fenya ka tsela efe goba efe, ba tla bewa mo go thalwa ga dihlopha mo Randburg ka Mošupologo (13:00).
Gape ba tla bitša mokotla wa moputso wa USD400 000, wo o lekanyago le R7 milione, selo se se tlago thuša sehlopha kudu.
Leeto le bolela ka dipapadi tše tshela (6) tše dingwe go tloga ka di 21 Dibatsela 2025 go fihla ka di 14 Dibokwane 2026.
“Re šomile ka thata gomme sephetho re tlo se hwetša ebile kea tseba gore retlo tšwelela” arealo mohlahli Cedric Kaze.
Ga re swanela go lebala gore ka 2001, sehlopha se ile sa fenya CAF Cup Winners’ Cup, yeo e ilego ya kopanywa le CAF Cup.
Balatedi ba Amakhosi ba tšwile seatla tikologong ya Soweto le setšhabeng ka bophara, ba thekga sehlopha sa bona.
Ka morago ga papadi ya Lamorena Chiefs e tla leba Durban go ya bapala le Durban City kua lepatlelong la Moses Mabhida.
