Reisinho o itokišetša papadi ya bobedi
Moraloki Miguel Reisinho, o bontšhitše ka fao a nyakago go aga godimo ga ponagalo ye botse yeo a e dirilego ka Nigeria.
Ka morago ga go bea kgwele ya gagwe ya mathomo ka gare ga nete ka palomoka ya 5-1 kgahlanong le Remo Stars.
Sehlopha sa gagwe sa Mamelodi Sundowns se be se raloka le yona Remo Start ka papadi ya CAF Champions League.
“Ee, mo Afrika go fiša kudu, gomme ke sa dutše ke ithuta go tlwaela,” Reisinho a hlalošetša bo Raditaba.
Sundowns bjale e šetše e le kgauswi le go tsena mo sehlopheng sa magoro ka morago ga tlholo ye kgolo ya ka ntle ga naga.
Moraloki yo o boletše gore o nyaka go tšwelapele go thuša ka dikgwele, le go maatlafatša sehlopha le go feta.
Papadi ya bobedi e tla bapalwa ka Lamorena mo lepatlelong la Loftus Versfeld, Reisinho otlo berekiša bokgoni bja gagwe.
Reisinho le baraloki ba tšea papadi ye bjalo ka sebaka sa go tiiša boemo bja bona, ba bontšha gore ba itokišetše go lwela borena bja naga.
