Ndlondlo o fa polelo ka ga lerato la balatedi ba Pirates

Sebetša sa Marumo Gallants, Ndabayithethwa Ndlondlo, o hlalošitše lethabo la gagwe ka morago ga gore a bontšhwe lerato ke babapadi le baalatedi.

Ndlondlo o dirile papadi ye botse mo finaleng ya Carling Knockout mo Peter Mokaba Stadium, le ge sehlopha sa gagwe se fentšwe.

O be a bolela le Arthur Mafokate, moo ba bolelago ka kaonafalo ya gagwe.

Pirates e fentše papadi ka koulu ya Relebohile Mofokeng nakong ya tlaleletšo.

“Ba be ba e swanetše ka gobane ba re tsentše ka morago gomme rena re be re se na maoto a go re swara go fihla mafelelong.

Ka morago ga papadi, baraloki ba Pirates ba ile ba bitša Ndlondlo le Katlego Otladisa gore ba tle ba kopane le bagwera ba bona.

“Go makatša kudu go bona gore lerato la bagwera le sa le gona, le baraloki ba re bitšitše gore re keteke” arealo Ndlondlo.