Ndlondlo o boela sehlopheng sa Marumo Gallants FC
Moraloki wa kgwele ya maoto “Ndabayithethwa Ndlondlo”, o boela go Marumo Gallants ka morago ga go tlogela Orlando Pirates.
Sehlopha sa Gallants se tsebišitše setšhaba gore Ndlondlo o tla boela go sehlopha sa gagwe sa kgale bakeng sa sehla sa 2025/26.
Yena o bapaletše Pirates go tloga ka ngwaga wa 2022 ka moragoga go tlogela Gallants, gomme a bapala dipapadi tše 65 mo sehlopheng.
Kontraka ya gagwe le Orlando Pirates e fedile ka kgwedi ya June, gomme ke ka moo a ilego a tloga sa ruri.
Marumo Gallants e thomile sehla ka tsela ye botse, ka e ile ya fenya dipapadi tša yona tše pedi tša pele ka Betway Premiership.
Ndlondlo a ka kgona go boela go Gallants pele ga papadi ya bohlokwa le Mamelodi Sundowns kadi 17 Lewedi.
Go boela ga Ndlondlo go sehlopha sa Gallants go tliša bokgoni bjo bogolo le maatla ao a bontšhitšego ge a sale ka sehlopheng sa Pirates.
Bokgoni bja gagwe le maitemogelo a tlago le wona di tla thuša Gallants go bapala ka maatla le go fetša sehla ka tsela ye botse.
