Kaze o lemoša Kaizer Chiefs ka go ikgantšha pele ga nako

Mohlahli wa Kaizer Chiefs “Cedric Kaze” o kgopetše sehlopha sa gagwe gotee le bathekgi gore ba emiše ka taba ya go ikgantšha.

O boletše moraggo ga gore Amakhosi e fentše dipapadi tše pedi tša go latela mo Betway Premiership, tšeo di ba beilego lefelong la bobeng.

Chiefs e kgobokeditše dintlha tše tshela ka go fenya Durban City ka ntle, gomme morago ga moo ya fenya Orbit College 4-1 ka Labobedi.

Bathekgi ba tšweletše ka lethabo le legolo mo ditabeng tša setšhaba, ba keteka go fenya ga sehlopha sa bona.

Le ge go le bjalo, Kaze o boditše bohle gore leeto le sa le le letelele, gomme sehlopha se swanetše go dula se ikokobeditše.

“Re hloka go ikokobetša, ebile re swanetše go šoma ka thata ka gobane ga re eso fihle fao re yago,” a hlaloša Kaze.

Kaze o gateletše gore sehlopha se swanetše go tšwela pele ka go šoma ka thata le go dula se ikokobeditše.

Papadi e latelago ya Kaizer Chiefs ke ya Caf Confederation Cup kgahlanong le sehlopha sa Egipita Al Masry.

Nako ye e telele pele ga papadi e ka fa Kaze le motlatša-mohlahli gagwe “Khalil Ben Youssef” monyetla wa go lokiša sehlopha.