Tshabalala o utolla “sehlare” se se timetšego go Kaizer Chiefs

Naledi ya mehleng ya Kaizer Chiefs, Siphiwe Tshabalala, o bolela Gore sehlopha se nale baraloki ba bokgoni.

Eupša o boletšes gore bothata ke gore ga ba šome bjalo ka sehlopha se tee.

Amakhosi e saenile baraloki ba mmalwa ba bohlokwa pele ga sehla sa bjale, gomme ba nale bokgoni bja go thuša sehlopha.

Le ge go se gwa ba le diphetho tše mpe kudu, Chiefs le yona ga e dire gabotse ka mo go letetšwego.

Chiefs e thomile Betway Premiership gabotse, eupša ba thomile go wela morago dipapading tša moragorago.

Tshabalala o dumela gore seo se bakwa ke go hloka kopano le sebopego sa sehlopha.

“Ka nnete, Kaizer Chiefs ga e na baraloki ba babe, eupša ga bana kwano ye botse” arealo Tshabalala.

O okeditše ka gore le baraloki ba tlhabologa ba lahlega ka gobane ga go na sebopego se se kwagalago sa sehlopha.

Shabalala o hlalositše gore go bonolo go tseba mokgwa wa go bapala wa Orlando Pirates le Mamelodi Sundowns, eupša go boima go tseba wa Chiefs.

O belaela le ka mokgwa wo Chiefs e rekago baraloki ka wona, a re ga se bokgoni fela bjo bo swanetšego ke semelo le maitshwaro.