PSL e tiišitše dintlha tša Finale ya Carling Knockout

Premier Soccer League (PSL) e tiišitše ka semmušo sebaka, nako ya go thoma le tshedimošo ya dithikithi tša Final ya 2025 Carling Knockout.

Moo Orlando Pirates e tlago lwa le Marumo Gallants, papadi e tloba e kgatlampana kadi 6 tša Manthole.

PSL e boletše gore papadi e tla thoma ka pejana kua lepatlelong la Peter Mokaba, Polokwane.

Balatedi bao ba nyakago go tiišetša ditulo tša bona ba tla thoma go reka ditikithi go tloga ka 10 mesong ka Labohlano, 28 Diphalane.

Ditikithi di tla hwetšagala go Open Tickets goba Shoprite le Checkers mo nageng ka bophara.

Ebile ditikithi di ka rekolwa le inthaneteng ka weposaete ya semmušo ya Open Tickets, gomme e hwetšagala bonolo.

Ditikithi tša “General Access” di beakantšwe go R100, gomme moreki yo mongwe le yo mongwe o dumeletšwa go reka ditikithi tše nne (4) fela.

Finale ya Carling Knockout e letetšwe go goga mašaba a mantši ge Pirates le Gallants di kopana kua Peter Mokaba.