Broos o bolela molaetša go Sipho Mbule

Mohlahli Hugo Broos o bolela dilo tša go kgahliša go sebapadi sa sehlopha Orlando Pirates “Sipho Mbule “.

O mo reta ka morago ga gore sehlopha sa gagwe se tsena dipapading tše bohlokwa tša lefase “World Cup 2026″.

Mbule e be e se karolo ya papadi ya mathomong, eupša o ile a bitšwa ka tšhoganyetšo morago ga go gobala ga Patrick Maswanganyi.

Le ge a bitšitswe ka morago-nyana, o bontšhitše maatla, boikokobetšo le maitekelo a magolo ao a kgahlilego mohlahli Broos.

Broos o hlalositše gore yena le mothuši wa gagwe, Helman Mkhalele, ba ile ba dumelelana go mo nea monyetla wa bobedi.

Ka morago ga papadi ya go fenya Rwanda, yeo e šupeditšego gore Bafana e tla tsena Moletlong wa Lefase, Broos o file ditebogo.

“Ke mo boditše ka morago ga papadi ka gore, o šomile gabotse ebile o dirile se re bego re se lebeletše” arealo Broos.

Sipho Mbule o šetše a le mo leetong la go aga botumo bjo bofsa mo sehlopheng sa Bafana Bafana.

Gomme molaetša wa Broos o šetše o le thuto ye maatla go bašomi bohle ba kgwele ya maoto, gore boikokobetšo le maiteko di bohlokwa.