Tonakgolo ya dipapadi o dira tsebišo ya AFCON

Morero wa Afrika Borwa wa go amogela papadi ya AFCON gammogo le dinaga tša kgauswi bjalo ka Namibia le Botswana o tšweleditše maikutlo a go fapana.

Tona ya Dipapadi, Bokgabo le Setšo ya Afrika Borwa “Gayton McKenzie” o sa tšwa go tsebiša gore naga e ikemišeditše go romela kgopelo ya go amogela AFCON ya 2028.

O boletše gore Afrika Borwa e tla laletša dinaga tša kgauswi gore di be karolo ya kgopelo yeo.

Ka ge tikologo ya Borwa bja Afrika e sa šwa e amogela phadišano ye kgolo ya kontinente go tloga ka 2013.

“Sebaka se fihlile gore AFCON e boele Borwa bja Afrika, re nyaka go šoma mmogo le dinaga tša baagišani” arealo McKenzie.

Kwa Namibia, molaodi wa dipapadi, Vetumbuavi Veii, o amogetše kgopolo yeo ka diatla tše pedi,.

Ok boletše Gore aka thuša kudu go kaonafatša maemo a mabala a dipapadi nageng yeo.

Lega go le bjalo, mohlahlobi wa kgwele ya maoto “Hector Mawango” o bontšhitše dipelaelo.

O gopotše gore Namibia e kile ya palelwa ke go romela kgopelo ya AFCON ya 2027 mmogo le Botswana ka lebaka la go se lokele ga Independence Stadium.