Ouaddou o bušetša Pirates tseleng ya phenyo

Mohlahli Abdeslam Ouaddou o holofela gore phomolo ye telele yeo sehlopha sa Pirates se bile le yona gare ga dipapadi e ka se senye leeto.

Orlando Pirates e tla boela legatong ka Labobedi ka iri ya 19:30, kgahlanong le Chippa United ka papadi ya Betway Premiership.

Se se tla dira gore Pirates e be sehlopha sa mafelelo go thoma karolo ya bobedi ya sehla.

Papadi ye e tla ba matšatši a 17 go tloga ge ba ile ba raloka la mafelelo kgahlanong le Richards Bay ka Carling Knockout semifaenale.

E tla ba gape matšatši a 20 go tloga ge ba raloka papadi ya bona ya mafelelo ya papadi ya leaquete.

Bjalo ka sehla se fetilego, Pirates e thomile gabotse: ba kgobokeditše dintlha tše 22 go tšwa dipapading tše lesome (10).

Go ya ka tšeo di diregilego mengwageng e fetilego go tloga ge PSL e thomile, ba šetše ba bonagala ba tiile le go feta.

Ge Pirates e ka hlola Chippa gomme gape ya fenya Durban City ka Mokibelo, ba tla fihla dintlheng tše masomepedi-seswai 28.

Pirates e šetše e nale MTN8, gomme e sa raloka le Carling Knockout ka di 6 tša kgwedi ya Manthole.