Allan o ntšha maikutlo a gagwe ka morago ga go loba monyetla wa go fenya

Moraloki wa sehlopha sa AmaZulu FC, Keegan Allan o ralokile papadi ya gagwe ya pele le sehlopha go papading ya borai ya MTN8.

Sehlopha sa Amazulu FC sebe se raloka le Stellenbosch FC ka lamorena, 3 August 2025.

Papadi ye ebele boima efela sehlopha sa Stellenbosch FC se ile sa fenya ka 3-2 ka morago ga nako ya tlaleletšo.

Allan o ile a raloka gabotse mo papading ye gomme o lekile ka bojohle gore sehlopha sa gagwe se tšwelele.

O kile a ralokela dihlopha tša go swana le University of Pretoria le sehlopha sa Swallows FC.

Papadi ye ke papadi yeo a ilego a bontšha ka yona gore o tla ba le seabe se bohlokwa mo sehlopheng.

Lege sehlopha sa AmaZulu FC se paletšwe ke go fenya, balatedi ba ikgantšha ka mokgwa wo ba ralokilego ka gona.

Allan o tla thuša sehlopha go aga le go matlafatša leano la bona ka tlasa boetapele bja mohlahli Arthur Zwane.

Go molaleng gore Allan ga se a tliša fela bokgoni bja papadi mo lebaleng, efela o tliša le moya wa boitshepho le kgodišego.

Papadi ya AmaZulu ya go latela e tlo raloka le Orbit College mo lebaleng la Princess Magogo Stadium.