Hunt: Chiefs e diega ka go lokolla Morris

Sehlopha sa Kaizer Chiefs se itemogela dipotšišo ka bokamoso bja sebapadi sa bona sa go hlasela, Tashreeq Morris.

Go bolelwago gore sehlopha se be se sa nyake go mo lokolla le ge a itemogetše mathata a go hwetša kgoro.

Morris o tsene go Amakhosi go tšwa go SuperSport United ka Pherekgong ka konteraka ya mengwaga ye mebedi le seripa.

Sebapadi se se ile sa tlišwa go maatlafatša pele ga Chiefs, eupša ga se a kgona le gatee go thuntšha kgoro.

Mohlahli wa sehlopha Nasreddine Nabi, o boletše pele ga papadi ya bona le Sekhukhune United gore papadi ye ebe ele thata go bona.

Sehlopha se sengwe se be se tswalane le ditaba tša go nyaka Morris ke Durban City, sehlopha sa go bušwa ke Gavin Hunt.

Hunt o netefaditše gore ba bontšhitše kgahlego ya go šomišana le Morris gape, eupša a gatelela taba ya gore Chiefs e a diega.

Bona (Chiefs) ba diegile ka mošomo woo, gomme nna ka tšea Letsie (Koapeng)” a tlaleletša ka gore yalo Hunt.

Mo maemong ao, Durban City e ile ya kgetha go saena sebapadi sa kgale sa Orlando Pirates le Cape Town City, Letsie Koapeng.