Mkhulise o saena kontraka e mpsha le Sundowns

Sebapadi sa bogare sa Mamelodi Sundowns, Sphelele Mkhulise, se feditše pelaelo ka bokamoso bja gagwe.

Ka morago ga go saena kontraka e mpsha le baetapele ba Betway Premiership, go ya ka netefatšo ya sehlopha ka Labobedi.

Mkhulise, yo e lego e nngwe ya dibapadi tša go tshepagala kudu ka gare ga sehlopha sa “Brazilians”, o tšwela pele le Sundowns.

O bile karolo ya sehlopha sa pele go tloga ka 2018, gomme o kgathile tema ya bohlokwa katlegong ya sehlopha.

Sebapadi se se bile le seatla sa go fenya dithala tša ligi ka mengwaga ye šupa ya go feta, gammogo le dipapadi tša kontinente.

Ge a bolela ka konteraka ye mpsha, Mkhulise o gateletše gore go tšwela pele le Sundowns e be e se taba ya go nagana kudu.

“Ga gona lefelo le lengwe leo ke bego ke nyaka go ba go lona ntle le Mamelodi Sundowns, le ke gae la ka,” go boletše Mkhulise,

O okeditše ka gore o ikwa a thekgwa ke bohle ba klapa, go tloga go baetapele go ya go bathekgi ba sehlopha.

Kontraka ye mpsha ya Mkhulise e tla thuša Sundowns go boloka motheo wa sehlopha sa bona se se tiilego.