Mohlahli Broos o lebelelane le dikgetho tše thata tša Afcon

Ka ge African Cup of Nations (Afcon) e batamela, mohlahli wa Bafana Bafana Hugo Broos o re nako ya dikgato tše boima e fihlile.

Papadi ye e tlo swarwa ka Manthole kua Morocco, gomme Broos o swanetše go fetša go kgetha sehlopha sa gagwe.

Kudukudu ka morago ga gore bapadi bao ba sa dutšego, ba bontšhitše bokgoni ge Bafana e fenya Zambia 3-1 mafelong a beke.

Oswin Appollis, Mohau Nkota le Sphephelo “Yaya” Sithole ba ile ba tsenya dikgwele.

Ge papadi e thoma, Broos o be a šomišitše babapadi ba gagwe ba mehleng.

Eupša ka karolo ya bobedi a tšeya ba bangwe ba sa tlwaelegago go bapala, gomme ba bangwe ba ile ba šomiša monyetla woo.

Sipho Chaine, Khulumani Ndamane le Evidence Makgopa e be e le ba bangwe bao ba lekilwego.

“Re na le bapadi ba fetago 23 bao ba ka yago Afcon, eupša dikgato tše dingwe di tla bohloko go bapadi  le go nna,” arealo Broos.

Bafana bao ba lego Sehlopheng  sa B, ba tlo bapana le Egypt, Angola le Zimbabwe.

Leeto la bona la Afcon le to thoma ka di 22 Manthole kua Marrakesh, kgahlanong le sehlopha sa Angola.