McKenzie o tshepiša Bafana Bafana dimillione tša diranta

Tona ya tša Dipapadi, “Gayton McKenzie” o dirile tshepedišo e kgolo ya tšhelete go sehlopha sa Bafana Bafana ka morago ga go fenya.

McKenzie o dirile tsebišo ye ka morago ga gore Sehlopha sa Afrika Borwa se fenye Rwanda ka 3-0.

Ka phenyo ye, Bafana Bafana e tsere boemo bja godimo mo Sehlopheng sa C, ya ba leeto la mathomo la go tsena papading ya lefase.

“Seo se diregilego ke se se botse, ketlo lefa selo nyana eupša le swanetše go abelana”, arealo McKenzie.

O tshepišitše sehlopha go ntšha dimillione tša diranta ele go R5 000 000 ka boripana mo sehlopheng sa naga.

Ke lekgetlo la mathomo go tloga ka ngwaga wa 2002 moo Afrika Borwa e tsenego papadi ya lefase ka tshwanelo.

Tona o bile a tšea sebaka sa go roriša mohlahli Hugo Broos, yo a tlago go boela Mohope wa Lefase.

“Pele Broos a tsena mo, Bafana Bafana e be e le selo sa metlae, mohlahli a se maatlafatša” McKenzie o boletše ka boikgantšo.

McKenzie o boletše gore o na le tshepo ya gore Bafana Bafana e tla tšwela pele ka maatla ao e bontšhitšego ka Mošupologo.