Petersen wa Chiefs o gola kudu bakeng sa Bafana

Mošireletši wa Kaizer Chiefs “Brandon Petersen” o tšwela pele go bontšha maitemogelo le bokgoni bja gagwe.

Bokgoni bjoo bo ka mo bulelelago menyetla ya go bitšwa go bapalela sehlopha sa Bafana Bafana.

Bafana ba itukišetša AFCON yeo e tlago go tshwarelwa Morocco go tloga ka di 21 Manthole 2025 go fihla ka di 18 Pherekgong 2026.

Leina la Petersen le thoma go hlaga gape bjalo ka la mongwe wa baraloki bao ba swanetšego go akanyetšwa.

O bontšhitše maitemogelo sehleng se ka go boloka dikgoro tše 7 di se na lekgoro mo dipapading tše 10 tša mathomo tša league.

Petersen o dirile gape rekoto ya gagwe ya pele ka go bapala dipapadi tše 11 tša league ka tatelano.

Ka dikgoro tše 7 tše a di šireleditšeng, Petersen o šetše a le kgolego e tee fela go lekana le rekoto ya gagwe.

Ge go akaretšwa le papadi tše di fetilego, Petersen o šetše a bapetše dipapadi tše 13 tša league ka tatelano.

Se se mmeya godimo bjalo ka moraloki yo a tšwago pele gape yo a ka bago karolong ya sehlopha sa Bafana Bafana AFCON.