Motsepe: “Ke nale tshepo ya gore McKenzie o tseba melao”

Modulasetulo wa CAF, Patrice Motsepe, o boletše gore o na le tshepo ya gore Gayton McKenzie, o tla rarolla bothata bja mokgatlo (SAFA).

Gape le go rarolla taba ya Bafana Bafana ntle le go tshela melao ya FIFA yeo e thibelago mmušo go tsenela ditaba tša kgwele.

Afrika Borwa e amogilwe dintlha tše tharo mo dipapading tša yona tša World Cup 2026 qualifiers, ka baka la go ralokiša Teboho Mokoena.

Mokoena o be sa swanelwa gore aka raloka kgahlanong le sehlopha sa Lesotho, bjale dintlha di fokoditšwe.

Ka morago ga se, McKenzie o laetše SAFA go mo felego pego e hlakilego ka matšatši a a šupago (7), le go hlaloša phošo ye.

Ge a be a bolela moletlong wa Sanef Gala Dinner kua Houghton, Motsepe o boletše gore o dumela gore o nale maikarabelo.

“Ke dumela gore seo tonakgolo ya dipapadi e se bolelago le FIFA se tla dula ka gare ga melao yeo e beilwego” arealo Motsepe.

Motsepe, yo gape e lego Modulasetulo wa CAF (Confederation of African Football), o gateletše bohlokwa bja go hlompha melao.

McKenzie o šetše a ngwadile lengwalo go Modulasetulo wa FIFA, Gianni Infantino, a kgopela tshwarelo mabapi le Bafana.