Touch o belaela maemo a Pirates kua Congo

Mogaši wa Metro FM, Thabo “Touch” Molefe, o kgalema maemo a mabe ao Orlando Pirates e kopanego le wona kua nageng ya Congo.

Tiragalo ye e diragetše nakong ya papadi ya CAF Champions League kgahlanong le sehlopha sa St Eloi Lupopo.

Pirates e fentšwe ka 3-0 ka Sontaga papading ya ntlha ya bobedi “second preliminary round”, eupša Thabo o boela maikutlo a gagwe.

“Ge maemo a se a go dumelela go bapala gabotse, o ka se bontšhe bokgoni bja gago,” a realo Touch mogaši wa seyalemoya.

Touch o senotše gore sehlopha se be se lemogilwe ka ga masetlapelo a go swana le dimine tšeo di lego kgauswi le tšhemo.

Go kwagala gore le dijo tša hoteleng di be di sa bolokega,  gomme setsebi sa phepo se ile sa ba eletša gore ba bapale ba sa ja.

“O ka bapala bjang o tseba gore go na le dimine kgauswi le tšhemo? O tla bontšha bokgoni bjang o swere ke tlala?”.

Touch o boditše gape gore o rometše molaetša go Mopresidente wa CAF, Patrice Motsepe, ka taba ye.

Le ge ele gore ke molatedi wa sehlopha sa Chiefs o bolela dintlha tše bohlokwa, ebile o emela Afrika Borwa ka bophara.