Maswanganyi o fa polelo ka ga papadi ya Mokibelo 

Patrick Maswanganyi utollotše ka moo a ikwang ka gona, ka ge a ntšhitšwe pele ga papadi ya MTN8 kgahlanong le Mamelodi Sundowns.

Maswanganyi o ile a makatšwa ke go ntšhwa mo nakong ya metsotso e 38, ka Mokibelo kua lepatlelong la Lucas Moripe.

Papadi e feditše ka 2-2 ka kakaretšo, eupša Pirates ya tsena finaleng ka go fenya ka dipenalty 4-1.

Mohlahli wa Orlando Pirates “Abdeslam Ouaddou”, o ile a dira diphetošo tša thuto ya papadi ka go tsenya Banele Shandu.

Se se file sebaka sa gore Kamogelo Sebelebele a šupetšwe pele gomme Relebohile Mofokeng a beelwe mo boemong bja nomoro ya 10.

Le ge a be a nyamile, Maswanganyi o re o kwešišitše sephetho sa sehlopha ka morago ga ge ba boletše.

Maswanganyi o ile a amogela are “Ke swanetše go kwešiša gore phetho yeo ga se ya motho, ke ya thuto ya papadi.

Naletšana ye e ile ya bowa ka maatla ka Labobedi ge a be a thomile papadi kgahlanong le sehlopha sa Orbit College FC.

Bjale Pirates e lebane le papadi ya DStv Premiership kgahlanong le Chippa United kua lepatlelong la Nelson Mandela Bay.