“Mahamutsa o sa nale maatla a go raloka” – Mong wa sehlopha

Mong wa sehlopha sa Gomora United, Joe Seanego o sa holofela gore Rooi Mahamutsa o sa nale maatla a go raloka.

Mahamutsa ke monna wa mengwaga ye 43 wa goba le bokgoni ka gare ga sehlopha sa Gomora United.

Seanego o re Mahamutsa o tla bapala karolo ya bohlokwa nakong ya selemo sa bona sa mathomo mo Motsepe Foundation Championship (MFC).

Mahamutsa o ile a phetha tema ya gagwe ka bontšha bokgoni ka nako ya dipapadi tša ABC motsepe league.

Ke ka fao modulasetulo wa sehlopha sa Gomora United a beile tshepo go yena, ka ge a nale bokgoni.

Seanego o boletše gape gore ba sa nyaka bathekgi ba go ka thuša sehlopha, kage ba lebane le papadi ye kgolo.

Go ya ka mong wa sehlopha, Rooi Mahamutsa ga se a fele maatla, ebile o sa na le sebaka sa go tiša sehlopha sa Gomora.

Le ka morago ga mengwaga e mentši mo lebaleng, Mahamutsa o sa bonwa bjale ka sebapadi sa maitemogelo le bokgoni.

Boitemogelo bja gagwe bo tla thuša Gomora United go aga sehlopha se se tiilego mo papading ya MFC.

Mahamutsa ga se fela sebapadi, eupša ke moraloki wa goba le mohola mo bokamosong bja sehlopha sa Gomora United.